قالت والدة الفتاة نهي المعروفة إعلاميًا بالفتاة المسحولة بمدرسة المعادي، خلال مداخة هاتفية ببرنامج 'حلم المواطن': 'كان يوم مروع جدا أني أشوف بناتي واحدة بتضرب وواحدة بتتسحل وألاقي حد شاب ضخم' مؤكدة: 'كنت أتمني يسأل مش يجي يضرب علطول وهو شاب بطل جمهورية في المصارعة، مكنش عنده أي رحمة ولم تكن نهي المقصودة'، وأناشد رئيس الجمهورية بالوقوف معنا وأثق في قانوننا.
وكانت كشفت نورهان شقيقة نهي الفتاة المسحولة أمام مدرسة ثانوية للبنات في المعادي تفاصيل جديدة حول الواقعة، قائلة: 'مبدئيا مفيش أي سبب في الدنيا أن يخلي شخص يمسك أم و3 بنات وضربهن وإهانتهن لو راجل مش هيستحمل، مفيش بنت في الدنيا تخلي راجل بلطجي يتهجم علي بنت زميلتها ويضربها بلكمة في وشها علشان أي حاجة'.
وتابعت خلال مداخلة هاتفية ببرنامج حلم الوطن: 'أختي اتسحلت قدامي ومامتي بتحاول تنقذ البنت الصغيرة وأختي عندها قرحة في العين وكسر في عضم العين وكسر أسفل الحاجب والفك الأيسر وكسور في الأنف وشرخ في الحوض وغير قادرة علي الحركة وكدمات بالغة في كل الجسم'، موضحة: 'مش حابة أقول التفاصيل خروجه كان إزاي وتم الإفراج عنه إزاي إحنا تم حجزنا ساعات والمجرم من منطقة في دار السلام عرفنا أنه هرب ومش عارفين راح فين'.
تابعوا آخر أهل مصر على Google News
