اتهمت فتاة تدعى 'كنزي وائل' 18 عامًا، طالبة في كلية الإعلام، أحد الأشخاص بـ التحرش بها ولمس مناطق حساسة بجسدها داخل أتوبيس نقل عام بمنطقة المعادي.
وقالت الفتاة عبر فيديو نشرته على مواقع التواصل الاجتماعي: 'كنت راجعة من التمرين بمنطقة زهراء المعادي، وأثناء جلوسي في أحد المقاعد داخل أتوبيس نقل عام، فوجئت بشخص يقوم بتصرفات غريبة، سبت الكرسي اللي كنت عليه، وطلعت قعدت في كرسي قدام، لقيته جه قعد ورايا، وراح معدي إيده من جنب الكرسي وحطها على جسمي، ولمس منطقة حساسة، ولما زعقتله قالي أنا راجل كبير يابنتي ومعملتش حاجة وبعدين حاول يجري ينط من الأتوبيس'.
وأضافت كنزي: 'فضلت أصوت والناس اتلمت ومسكوه وضربوه، وهو قعد يبرر أنه راجل كبير ومعملش حاجة، وفؤجئت بأحد الركاب بيدافع عنه ويقولي ده راجل كبير هيعملك إيه'.
وتابعت كنزي: 'تقدمت ببلاغ إلى قسم شرطة المعادي، حمل رقم 16696، واتهمت هذا الشخص بالتحرش بيا داخل الأتوبيس، أنا عايزاه يتعاقب وعايزة حقي'.
تابعوا آخر أهل مصر على Google News
