شهدت محاكم الأسرة العديد من قضايا الخلع والطلاق خلال هذا الأسبوع، باختلاف الأسباب والدوافع، أبطال هذه القصص أشخاص عاديون مثلنا ولكن كتب لهم القدر أن تسجل أسماؤهم فى سجلات القضاء.
وترصد ' أهل مصر ' أغرب القضايا التى طرأت على محكمة الأسرة هذا الأسبوع.
منال: "حمايا لمسني في أماكن حساسة وجوزي بيقولي تجاهلي وانسي"
لم تتخيل منال صاحبة الـ23 عاما، أن تترك بيتها بعد 5 شهور من الزواج بسبب والد زوجها الذى حاول أن يلمسها فى أماكن حساسة وعندما أخبرت زوجها ليأخذ موقف، أو يتركوا الشقة ويعيشوا فى شقة منفصلة فوجئت به يقول لها: 'أنا مش ممكن أقف قدام أبويا، واللى حصل انسيه وحاولى تبعدى وتتجنبي الكلام معاه وبس، وهو هيفهم ومش هيقربلك تانى'، فصدمت من رد جوزها مما جعلها تقف داخل جدران محكمة الأسرة لرفع دعوى خلع من زوجها مبررة استحالة العشرة معه.
أحمد: "كل حاجة بتحكيها للناس وبتجيب أمها وخالاتها يضربوني"
تقدم أحمد بدعوى قضائية أمام محكمة الأسرة لرفع دعوى إثبات نشوز زوجته بعد عامين فقط من الزواج مبررا ذلك بقوله: 'عمرها من يوم ما اتجوزنا ما خبت سر من أسرارنا، دايما بتحكى مع كل الناس عن خصوصياتنا، وخاصة أمها اللى هى أساس المشاكل بيننا، طلبت منها كتير يبقي سرنا فى بيتنا لكن ما فيش فايدة لدرجة انها لو اتخاقنا زى أى اتنين متجوزين أو ضربتها غصب عنى فى وقت عصبية، تيجى أمها تضربنى ومعاها خالتها، كرامتى بقت فى الأرض قدام أهل المنطقة، ولما اتكلم يهددونى بالقايمة وخاصة انهم خلونى أمضى على مبلغ كبير وكنت أعمى يومها ووافقت'.
حنان: "بيقول لى شكلك شبه القرد واتجوزتك غصب"
لم تتخيل حنان أن حياتها ستصبح جحيما بهذا الشكل بعد عام واحد فقط من الزواج، كان حلمها دائما مثل أى فتاة أن ترتدى فستان الزفاف لزوجها الذى يختارها من وسط الفتيات العديدة، وتعيش معه حياة مستقرة، ولكن حدث ما لا تتوقعه عندما تزوجت من أحد أقاربي والدتها، لتعيش حياة مليئة بالحزن من معاملته لها، حيث كان دائم الإهانة والسخرية منها، حتى وصل به الحال إلى معايرتها بشكلها على الرغم من أنها مقبولة الشكل، ولكن كان يقول لها 'شكلك شبه القرد، وأهلى هم سبب الجواز، يعنى اتجوزتك غصب مش باختيارى'، حتى طفح بها الكيل لتقف داخل محكمة الأسرة لرفع دعوى خلع منه مبررة استحالة العشرة معه.
مريم: "بيضايق أختي المتجوزة وبيعاكسها في التليفون"
' مش عارفة ماله باختى المتجوزة، عايز يخرب علاقتها بجوزها ديما، وانا كنت مغفلة ومش عارفة حاجة، لحد ما أختى حصلها مشاكل كتير مع جوزها بسبب انى فى رقم غريب بيرن عليها فى نص الليل ويعاكسها بكلام إباحى وطبعا بيحكى فى تفاصيل خاصة عنها محدش يعرفها غيرنا، ولما جوزها عرف يوصل اكتشفنا أنه جوزى للأسف هو صاحب الرقم ، وهو اللى بيعمل كدا مع أختى' جاءت هذه الكلمات على لسان مريم وهى داخل محكمة الأسرة لرفع دعوى خلع من زوجها بعد ٣سنوات من الزواج مبررة استحالة العشرة معه بعد أن اكتشفت أنه يريد اختها فى علاقة محرمة معه.
دنيا: "سمعته بيكلم أمه وبيتهمني أني على علاقة بأخوه وهيقتلني"
'من كتر خيانته ليا خايف انى أخونه فى يوم أو يترد ليه اللى بيعمله فى أهل بيته، طول الوقت بيشك فيا، منعنى من الخروج لوحدى، حتى تليفونى بحس بيه وهو بيفتش فيه كل ليلة، اتكلمت معاه وقولتله طول ما انت عايش فى رعب ان يترد لك اللى بتعمله فى أهل بيتك بطل السكة الغلط، وابعد عن الحرام، لكن بيكذب ويقول أنه مش بيعمل حاجة، ومالهوش فى الغلط على الرغم انى متأكدة انه بيخونى وديما بدعى ليه بالهداية، استحملت منه كتير، لكن ما قدرتش اسمعه وهو بيتكلم مع أمه وبيتهمنى أنى على علاقة بأخوه، ومستنى يتأكد بالدليل عشان يقتلنى'.. نطقت بهذه الكلمات دنيا وهى داخل محكمة الأسرة لرفع دعوى خلع من زوجها بعد ٤ سنوات من الزواج مبررة استحالة العشرة معه بعد أن اتهمها أنها على علاقة بأخيه.
تابعوا آخر أهل مصر على Google News
