علق الدكتور طارق شوقي وزير التربية والتعليم والتعليم الفنى، على منشور شديد اللهجة لأحد أولياء الأمور، عبر موقع التواصل الاجتماعى 'الفيس بوك'، عن الدروس الخصوصية وتوفير بدائل مناسبة لها.
وقال وزير التعليم: 'من قال إننا لم نوفر البدائل المناسبة، أعتقد أن الوزارة قدمت الكثير مما يجعلك تطمئن إلى ما هو قادم، مع ملاحظة الصعوبة الشديدة للقضايا المطروحة.
رد الدكتور طارق شوقي وزير التربية والتعليم
وكان أحد أولياء الأمور قد كتب منشورا عبر إحدى الصفحات التعليمية، يطالب فيه وزير التربية والتعليم بتوفير بديل مناسب لولى الأمر والطالب والمعلم بعد أن أغلقت الوزارة مراكز الدروس الخصوصية.
وجاء في المنشور: 'حضرتك الدروس الأون لاين هي والعدم سواء في مجتمع نصه بيقف على السطح علشان تليفونه يجيب شبكة يعمل مكالمة تليفون، وشركات الاتصالات بقت بشعة ولا حد عارف يحاسبها.. مش معقول أبدا لا يبقى فيه تعليم في المدارس ولا تعليم في السناتر ولا تعليم أون لاين، وتطلب من الناس تتعايش مع الوضع ده.. مش دفاع عن السناتر لأني ضد وجودها بالأساس، لكن دفاعا عن ناس مبقتش عارفة تعمل إيه.. دفاعا عن ناس اتربت وعاشت على حاجة اسمها مدرسة وحاجة اسمها درس خصوصي لحد ما بقى الموضوع بالنسبة لهم زي الماء والهواء.. ما ينفعش فجأة لا يبقى فيه مدرسة ولا سنتر'.
توفير بدائل للدروس الخصوصية
وتابع صاحب المنشور: 'انزلوا لمستوى حياة الناس وثقافتهم وتفكيرهم.. الأون لاين ده لطبقة معينة ما ينفعش يمشي على شعب كامل.. أنا ابني مستواه ضعيف وعايز مدرس يقوي مستواه في المادة، يافندم من حقي ألاقي المدرس ده تحت أي صيغة وأي مسمى بتكلفة مادية تناسب مستوايا.. متحاسبنيش كولي أمر على تراكمات قديمة ضاعت فيها قيمة المدرسة، والمدرس أصبح كاره المدرسة لغياب الحافز المادي والمعنوي، والطالب وحده بيدفع الفاتورة هو وأهله.. الناس فعلا ضاقت بيها السبل، وبكتب الكلام ده قبل الإعلان الرسمي لخطة العام الدراسي الجديد بعد أيام قليلة.. إما توفروا البديل المناسب لكل الأطراف والقابل للتطبيق أو تسيبوا الناس تتعايش لحد ما تلاقوا البديل الصح في الوقت الصح.'
تابعوا آخر أهل مصر على Google News
