بعد ارتفاع أسعار البنزين والسولار، عبر مستخدمو مواقع التواصل الاجتماعي 'السوشيال ميديا'، عن استنكارهم واستيائهم من زيادة
أسعار المحروقات للمرة الثالثة هذا العام.
تضمنت منشوراتهم ما يلي:
قال أحد رواد وسائل التواصل الاجتماعي: «البنزين غلي فعلا، طبعا كل اللي اتسرب من امبارح بخصوص زيادة أسعار البنزين طلع حقيقي.. بس ده مش معناه أن البنزين مش هيغلى تاني.. لأن كلنا عارفين أن من شروط صندوق النقد الدولي رفع الدعم بالكامل عن المحروقات اللي من ضمنها البنزين مع الربع الأول من 2025، يعني كدة كدة البنزين هيغلى تاني وتالت ورابع، فبلاش نتفاجئ كل مرة، وربنا يحرق أم صندوق الزف الدولي ده».
ونشر أحد رواد 'السوشيال ميديا': «هو خلاص كل شوية زيادة والناس ساكتة ومفيش ما يوازيها ولا يوازي ربعها حتى زيادة مرتبات، مفيش حد عنده عقل وضمير يقول اتقوا الله في الناس».
وكتب آخر: «هنلاقي المشاكل مع الأجرة والتكاتك للركب، ربنا يعديها على خير».
وقال أحد رواد مواقع التواصل: «خلي عندك شوية «دعم».. زيادة أسعار البنزين لتالت مرة هذا العام».
ونشر آخر: «لحد أمتى يا حكومة.. مش عارفين نعيش.. كل شوية زيادة بنزين، وكهرباء، ومياه، وأدوية، وأكل، الأساسيات بقت صعبة ومستحيلة على ناس كتير.. كفاية إهدار فلوس في طرق وكباري ومدن جديدة.. كفايا ديون.. كفايا ديون.. كفايا ديون»
عبّر أحد مستخدمي مواقع التواصل الاجتماعي عن استيائه واستنكاره من زيادة أسعار السولار بمقدار جنيهان، قائلاً: «بعيدا عن البنزين.. زيادة السولار 2 جنيه مرة واحدة دي مصيبة.. الكلام مبقاش له لازمة كله هيتفرم».
زيادة رسمية في أسعار البنزين والسولار في مصر
وأعلنت وزارة البترول والثروة المعدنية عن إصدار القرار رقم 1760 لعام 2024، والذي تضمن زيادة رسمية في أسعار البنزين والسولار في مصر اعتبارًا من اليوم.
وبعد اجتماع لجنة التسعير التلقائي للمنتجات البترولية، التي تتولى مراجعة وتحديد أسعار بيع هذه المنتجات، تم الإعلان عن الأسعار الجديدة لبعض المنتجات البترولية على النحو التالي:
أسعار البنزين الجديدة اليوم
- بنزين 95: 17 جنيه لكل لتر.
- بنزين 92: 15.25 جنيه لكل لتر.
- بنزين 80: 13.75 جنيه لكل لتر.
- السولار: 13.50 جنيه لكل لتر.
- الكيروسين: 13.50 جنيه لكل لتر.
سعر طن المازوت المخصص لباقي الصناعات هو 9500 جنيه.
أما غاز تموين السيارات، فيبلغ سعره 7 جنيهات لكل متر مكعب.
كما تم تثبيت سعر المازوت المخصص للكهرباء والصناعات الغذائية.
تابعوا آخر أهل مصر على Google News
