«صدقته وحولت الفلوس».. موظف يقع ضحية نصب إلكتروني بسبب إيميل مزيف باسم المدير

تعرض أحد الموظفين لواقعة نصب إلكتروني بعد انتحال صفة مدير شركته عبر البريد الإلكتروني، في واقعة جديدة تسلط الضوء على تصاعد جرائم الاحتيال الرقمي.

وروى الموظف الذي يدعى مصطفى عراقي، تفاصيل ما حدث معه في منشور عبر موقع فيسبوك قائلًا: 'اتعرضت للنصب الإلكتروني بطريقة مكنتش أتوقعها

جالي إيميل على ميل الشركة من شخص عامل user name بإسم صاحب الشركة و بعتلي أعمل أكونت على ابليكيشن signal و بدأ يتواصل معايا عشان أبعت فلوس لأرقام فودافون كاش لحد ما يخلص إجتماع و في هيحولي الفلوس بعدها ، أنا قولت وصل للحد اليومي للتحويل و عشان كده طلب مني أعمل كده و ده عادي حصل لي مع صاحب شركة سابق قبل كده .'

وتابع: 'و الأسف أنا بمنتهى السذاجة صدقت و حولت الفلوس ، اللي خلاني فهمت متأخر إنه طلب مني تحويل تالت و كانت فلوسي خلصت فلما قولت كده قال إبعت أي حاجة.'

وأكد: 'طبعا أنا أعتمدت على ال user name و مكنتش واخد بالي إن الميل المبعوت هو ميل جوجل مش ميل شركة و ده مجرد إسم هو حاطه عشان اتلخبط.'

وأشار: 'روحت كلمت البنك قالولي التحويل تم و تعالى الفرع بكرة و روحت اعمل بلاغ في مباحث النصب الإلكتروني قالولي بكرة بقى عشان النهارده مش هينفع و اطبع كل الصور و التحويلات و الميلات .'

واستكمل: 'لله الأمر من قبل و من بعد و لكن اللي قالقني تكون دي cycle غسيل أموال و أتحط في وسطها بسبب السذاجة و التسرع .'

واختتم: 'يا ريت اللي مر بتجربة زي دي يقول لي عمل إيه و لو في حد يقدر يشير لو في حاجة تخدم ، مضيفًا: طبعا أنا خفيت إسم شركتي و صاحبها عشان هما مش طرف في الحوار و قدر الله و ما شاء فعل...'