نشر المحامي علي سلامة منشورًا عبر صفحته الشخصية 'فيس بوك' يحتوى على استغاثة مؤثرة ينادي فيها على نجله 'عبد الله' الطالب الذي اختفى عقب إعلان نتيجة الثانوية العامة بسبب رسوبه في مادتين، ويطالبه بالعودة إلى أحضانه مناشدًا إياه بأن الثانوية العامة ليس آخر المطاف.
وقال الأب: 'يا عبد الله يا حبيبي.. يا بني يا نور عينينا، ارجع بيتك.. بيتك أولى بك، طمنا عليك ولا يهمك من أي حاجة، ارجع واللي أنت عايزه كله أنا هعمله لك'.
وتابع الأب: 'أنا أبوك يا بني بقولك الدنيا وقفت من ساعة ما مشيت.. تعالي طمنا عليك ولو عايز ترجع المكان اللي كنت فيه ارجع بس نطمن عليك.. عايز أقول لك أنا عرفت الناس اللي بتتجنن بتتجنن إزاي وتبدأ معاهم إزاي.. ارجع يا بني وارحم ضعف أبوك وأمك، أنا حاسس إن هيحصل لي حاجة'.
وعرض الأب مكافأة مالية قدرها 20 ألف جنيه، لمن يعثر على نجله 'عبد الله' أو يدل على مكانه.
فيما نشر رواد مواقع التواصل الاجتماعي صور للطالب مناشدين إياه بالعودة إلى أحضان أسرته التي نال منها القلق والإنهاك، مؤكدين أن سلامة الأبناء أهم وأغلى من أي نتائج دراسية.
تابعوا آخر أهل مصر على Google News
