بعد انتقاده لها.. شقيق ياسمين عبد العزيز يغلق حسابه على "فيس بوك"

أغلق وائل عبد العزيز، شقيق الفنانة ياسمين عبد العزيز، صفحته الشخصية على فيس بوك، بعدما شن هجومًا على شقيقته، بسبب علاقتها بالفنان أحمد العوضي.

وائل عبد العزيز شقيق الفنانة ياسمين عبد العزيز

يذكر أن رواد مواقع التواصل الاجتماعي تداولوا منشورًا ينسبونه إلى الفنان أحمد العوضي يرد فيه على انتقادت شقيق الفنانة ياسمين عبد العزيز له بسبب علاقتهما والشائعات عن قصة حب تجمعهما. ولم يتسن لأهل مصر الـتأكد من صحة المنشور ونسبته إلى الفنان أحمد العوضي.

قال العوضى في المنشور المتداول: 'أنهي بيت اللي أدخله من بابه.. إن كانت هي اللي بتصرف عليك وعلى أبنك اللي مخبيه وراميه وهي بتدفعله مصاريف مدرسته .. باب إيه يابني أدخله هو أنا شفت راجل واقف جنبها.. دي واحده انت مبتعملش حاجه غير إنك بتستنزفها هي ومامتها'.

وتابع: 'باب إيه يابني اللي هدخله من بابه وأكلم واحد بيتكلم على عرضه ولحمه قدام الناس.. يابني أنا من عين شمس منطقه شعبيه اتربيت على أن الاخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوه وبیت كويس.. بمجهودي وشغلي مش علي عرق واحدو ست.. باب إيه يا حبيبي اللي ادخله وانت اصلا عايش باسمها.. أنا شقيت على حالي بعرقي.. لكن أنت فشلت في كل شئ فشلت كممثل وفشلت كأب وفشلت كأخ وفشلت كبني أدم'.

هاجم الفنان وائل عبد العزيز، شقيقته الفنانة ياسمين عبد العزيز، بسبب علاقتها بالفنان أحمد العوضى والانباء التي تثار حول ارتباطهم، وذلك من خلال منشورا له عبر حسابه الشخصي على موقع التواصل الاجتماعي 'فيس بوك'.

وقال وائل عبد العزيز بلهجة حادة: 'بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللى كانت بينك وبين بنت هشام سليم الممثلة الى لبستيها التورته فى وشها'.

وتابع شقيق ياسمين عبد العزيز حديثه قائلا: 'وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من امتى واحنا بنعمل أعياد ميلاد وتنزل على السوشيال ميديا، من امتى الناس بتجيب فى سيرتنا؟ ونقعد نتعاكس على السوشيال ميديا؟.

وواصل وائل كلامه قائلا: 'ومع ذلك حياتك وانتى حره فيها، أنا هتكلم على الشق اللى يخصنى، انتى مقاطعة كل العيلة عشان تعملى اللى على مزاجك، احنا دلواقتى وعايزين نفهم العلاقة دى ايه و رايحه على فين؟'.