يبحث الكثير من الناس عن طريقة عمل خبز التورتيلا او ما يسمى بالعيش الصاج السوري ، والذي يعطي للأكل مذاق أطعم ومميز عن العيش البلدي، واشتر التورتيلا من الشاورما السورية الشهية أو سندوتشات فاهيتا الفراخ مرورًا بجميع أطباق التاكو المعروفة
المكونات
- معلقة زبده
- ربع كيلو لحمه مفرومه
- رشة فلفل اسود
- رشة ملح
- رشة قرفه
- رشة بهارات لحمه
- ربع كباية بصل مفروم
- ربع فلفل أخضر
- معلقة صلصة طماطم
- ربع كباية مياه
- 2 رغيف تورتيلا
- جبنه موزاريلا
- هندوب الزبده على النار ونضيف اللحمه ونقلبها لحد ما ميتها تتشرب ولونها يتغير.
- نتبلها بالملح والفلفل الاسود والبهارات والقرفه.
- نضيف البصل والفلفل الأخضر ونقلب لحد ما البصل والفلفل يتبلوا وبعدين نضيف معلقة الصلصله وربع كباية المياه ونقلب كويس لحد ما اللحمه تستوي.
- نحط رغيف عيش التورتيلا في طاسه تيفال على نار هاديه
ونفرد الجبنه الموتزاريلا ونحط فوقها اللحمه ونحط موتزاريلا على الوش ونلف العيش ونقفله زي اللي في الصوره كده
- نقلب الرغيف على الوشين لحد ما الوشين يتحمروا.
طريقة الثوميه
- 3 معالق كبيره نشا
- كوب الا ربع مياه
- 3 فصوص توم
- 4 معالق كبيره زيت نباتي
- معلقه صغيره عصير ليمون
- نص معلقه صغيره ملح
- نحط النشا مع المياه في طبق على النار، ونحركها لحد ماتدوب على نار هاديه خالص ونستمر في التقليب لحد الخليط يبقى تقيل نرفعه من على النار ونسيبه يبرد شويه.
- نفرم التوم ناعم جدا ونحطه في الخلاط مع عصير الليمون والملح وبعدين نضيف خليط النشا ونضربهم لحد قوامهم يبقا متماسك.
- نضيف الزيت بالتدريج والخلاط شغال لحد ما نوصل للكثافه المناسبه واللون الأبيض الكريمي.
- لازم نحطها في التلاجة اقل واجب ساعه قبل التقديم.
طريقة الصوص
- 2 قرن فلفل حامي مفروم
- فصين توم مفرومين
- بصله صغيره مفرومه
- كبايتين صوص طماطم
- معلقتين زيت
- نص معلقة ملح
- نص معلقه صغيره فلفل اسود
- نص معلقة شطه حمرا
- نسخن الزيت على النار ونشوح فيه البصل لحد ما يتبل.
- نضيف التوم والفلفل الحامي ونقلب لحد ما الفلفل يترى.
- نصب صوص الطماطم.
- نهدي النار ونضيف التوابل.
- نسيب الصلصه على النار لحد ما تغلي ونرفعها ونسيبها تبرد خالص وبعدين نقدمها.
تابعوا آخر أهل مصر على Google News
