ذئـب بشري يعتـدي على طفـلة في بورسعيد.. وأسرة الضحـية "اغتـصبها علشان كيس لوبيا بمساعدة زوجته"

' عاوزه حق بنتى اليتيمة ' ، ده أنا قفلت عليهم الباب من يوم وفاة ابوهم علشان احافظ عليهم ال ٣ بنات و الولد كمان ،بهذه الكلمات بدأت الام المكلومة حديثها لـ ' اهل مصر '

قالت والدة الطفلة دنيا محمود السيد ابنتى طفلة تبلغ من العمر ١٤ عاما و اعتدى عليها ' شحاته ' ابن الجيران ، حيث اننى اسكن بالدور الرابع و هم بالدور الخامس و ارادت ابنتى ان تساعدني فطلعت تبيع كيس' لوبيا' لأسرة الجانى و هى تعرف انه يعيش مع والديه و زوجته .

و اضافت والدة الطفلة والدة الجانى قالت لابنتى ادخلى يا دنيا علشان نعطيكى ال ١٠ جنيهات ثمن اللوبيا ، و بالفعل دخلت ابنتى التى لم تتوقع الغدر و اذا بزوجة الجانى تدخلها حجره و تغلق عليها الباب ليقوم زوجها بهتك عرض ابنتى.

و اخذت ابنتى تصرخ و هم يكممون فمها، و عندما وجدت الدماء تنزف منها قالت لها زوجته ' ما فيش مشكلة هو بيعمل كده فى '

و تابعت والدة الطفلة دنيا نزلت ابنتى ' مقهوره ' و منهاره ، و روت لنا ما حدث و هى تبكى و عندما وجهناهم بفعلتهم الدنيئة ، قالت لى والدته ' و ماله نجوزها له '

و قالت والدة دنيا ..ازوج طفلة عندها ١٤ سنة حقيقى ' حرام ' ربنا ينتقم من اللى هتك عرض ابنتى ده شاب متزوج و لديه طفل و زوجته حامل

ذهبنا الى قسم الشرطة و قمنا بعمل محضر رقم ٤٠٢٢ ادارى الضواحى . و كل ما اطلبه هو حق ابنتى الطفلة .

و قالت شقيقة الطفلة المجنى عليها ، امى تعبت فى تربيتنا انا و اخواتى الثلاثة، و خاصة بعد وفاة والدى و دخلها لا يتعدى ال ١٠٠٠ جنيها معاش تأمينى عن والدى ، و هى تبذل قصارى جهدها حتى لا نحتاج لمخلوق ،و النهاية الناس تنهش فى لحمنا ، عاوزه حق اختى احنا مالناش حد غير ربنا ، طفلة بريئة بدل ما تذهب لمدرستها بعد بكره لانها فى الصف الاول الاعدادى ، تنام فى الفراش بصدمة عمرها .

لينك البث المباشر