اعلان
اعلان

فاتن تطلب الخلع "جوزي إنسان مش طبيعي.. بيخليني أضربه"

دعوى الخلع
دعوى الخلع

"من أول ما اتجوزت وأنا حاسة إنه إنسان مش طبيعي وأكيد مريض نفسي، كان بيطلب مني إني أضربه وأذله في البيت ولو معملتش كدا يتعصب عليا هو، عشان كدا كنت بضربه أنا حتى اتجنب المشاكل معاه، كنت بخاف احكي لحد في البداية، لحد ما بقيت مش قادرة أكمل معاه، فكرت لو خلفت منه يطلع ازاي يشوف أبوه بيتضرب من أمه، وتصرفاته الغير طبيعية بالمرة.. "جاءت هذه الكلمات على لسان فاتن وهي داخل محكمة الأسرة، لرفع دعوى خلع من زوجها بعد عام من الزواج مبررة استحالة العشرة معه".

وقالت فاتن في مستهل حديثها مع "أهل مصر": أنا اتجوزت من سنة جواز صالونات، وفترة الخطوبة كانت شهر فقط، لأن والدته كانت مستعجلة إنها تمم الجوازة بحجة إنها نفسها تفرح بابنها بدري، لكن هي في الحقيقة كانت عايزاني محسش بمرض ابنها اللي استحالة أي ست تقبل تعيش معاه، لكن قدري إني أكون مراته واتفاجئت بعد الجواز إنه بيطلب مني كل يوم أضربه، ولو رفضت يتعصب عليا، ويبقى زي المجنون في الشقة عشان كدا كنت بنفذ رغبته وأضربه زي ما هو يطلب بالجزمة أو الحزام وخلافه، كنت عايشة في جو توتر مش عارفة ازاي هو بيطلب كدا لحد ما حسيت إنه ممكن يكون مريض نفسي، وقررت أصارحه إنه يروح لدكتور، وكمان اكتشفت إن والدته عارفة.

وتابعت حديثها قائلة: وحماتي قالت، إنه رافض يروح لدكتور، والمفروض إني أساعده، بصراحة كلامهم غريب جدا، وحسيت إني بعيش حياة جحيم مرعوبة أخلف طفل يطلع يشوف أبوه كدا، وكنت خايفة من الطلاق، لحد ما الحالة زادت عليه، ومبقتش قادرة اتحمل عشان كدا حكيت لأهلي على كل حاجة ووقفوا جنبي وساعدوني أخد قرار وأطلب الطلاق منه لكن رفض، عشان كدا رفعت دعوى خلع ومنتظرة أولى الجلسات.

WhatsApp
Telegram
إقرأ أيضاً
عاجل
عاجل
التنظيم والإدارة: مسابقة 18 ألف معلم مادة في يونيو المقبل