اعلان
اعلان

أبرز قضايا محاكم الأسرة × أسبوع.. شيرين: "فتح دماغي عشان كلمت عشيقته تبعد عنه".. ودينا: "جوزي بيتكسف.. حاسة إن أنا الراجل مش هو"

صورة ارشيفية
صورة ارشيفية

شهدت محاكم الأسرة العديد من قضايا الخلع والطلاق خلال هذا الأسبوع، باختلاف الأسباب والدوافع منها الفكاهي ومنها الجاد، أبطال هذه القصص أشخاصون عاديون مثلنا، ولكن كتب لهم القدر أن تسجل أسماءهم في سجلات القضاء.

وترصد 'أهل مصر' أغرب القضايا التي طرأت على محكمة هذا الأسبوع.

شيرين تطلب الخلع: "فتح دماغى عشان كلمت عشيقته تبعد عنه"

كنت فاكرة لما يعرف إني كشفت إنه بيكلم واحدة عليا يحس على دمه ويتكسف لكن إنسان عديم الضمير يموت في الحرام، أول ما واجهته عادي جدا اعترف إنها متجوزة ويعرفها من قبل الجواز كمان، وإني ماليش دعوة بأي حاجة تخصه وإني ماليش غير أكلي وشربي فقط، وطالما إنه مش مقصر معايا يبقى ماليش حق اتكلم'.. جاءت هذه الكلمات على لسان شيرين وهي داخل محكمة الأسرة لرفع دعوى خلع من زوجها بعد ٤ سنوات من الزواج مبررة استحالة العشرة معه.

أسماء تطلب الخلع: "هددني هينزل صوري العريانة على النت لو مجبتش فلوس من أبويا"

'عمري ما كنت أتصور إن جوزي يكون بيخطط ويدبر عشان أجيب له فلوس من أهلي لدرجة إنه يستغلني ويصورني وأنا معاه بملابس النوم ويهددني بيها كل شوية لو مكنتش أجيب ليه فلوس هينشرها على النت ويرفع عليا دعوى زنا، لأن الصور كلها أنا لوحدي وكمان هددني إنه ممكن يفبرك عليها فيديوهات فاضحة، ويخلي سمعتي زي الزفت، كنت بخاف منه الأول واتصرف وأجيب له فلوس، لحد ما ملقتش حد يسلفني تاني، وأنا زهقت منه ومن ضغطه عليا، وحكيت لأهلي على كل حاجة'.. جاءت هذه الكلمات على لسان أسماء وهي داخل محكمة الأسرة لرفع دعوى خلع من زوجها بعد عامين من الزواج مبررة استحالة العشرة.

دينا بدعوى خلع: "جوزي بيتكسف.. حاسة إن أنا الراجل مش هو"

تقدمت دينا بدعوى قضائية أمام محكمة الأسرة بشمال الجيزة لطلب الخلع من زوجها بعد عام واحد من الزواج مبررة ذلك بقولها: 'دايما مرتبك في كل تصرفاته وشخصيته ضعيفة جدا قدام أي حد، لدرجة إن كل الناس حتى أهلي بيستغلوه إنه يخلص ليهم مشاوير، وقدامي كمان شخصيته ضعيفة بشكل مش طبيعي، كل ما أقوله على حاجة يقولي اللى تشوفيه اعمليه، براحتك حتى حاسة إن أنا الراجل مش هو، ومن أقل كلمة مع حد في الشغل عنده يرتبك ووشه يحمر، وكأنه بنت مش راجل، لحد ما بقيت أتكسف منه في أي مقابلة مع الأهل أو الأصدقاء'.

لمياء تطلب الخلع: "طلع شاذ وضبطته مع صاحبه في بيتهم القديم"

لم تتخيل 'لمياء' أن زوجها مصاب بالشذوذ الجنسي إلا عندما رأته بعينها وهو يدخل كل ليلة الورشة المغلقة التي يمتلكها أهله مع صديق له يدعى عادل، لتراقبهم وتفتح عليهم البيت القديم فجأة بعد أن استطاعت الحصول على نسخة من المفتاح، عندما لاحظت ترددهما الكثير على منزل أهل زوجها القديم والمكون من طابق واحد ليلا، وعندما تساله أين كنت يخبرها أنه كان في المقهى، وكانت تظن أنهم يتعاطون المخدرات ولكن رأتهم وهم يمارسون الشذوذ سويا لتنسحب بهدوء تاركة له المنزل بعد عام من الزواج مؤكدة استحالة العشرة معه وتقف داخل محكمة الأسرة لرفع دعوى خلع.

مروة في دعوى خلع: "حمايا بيبص عليا وأنا في الحمام"

'حمايا راجل كبير وكنت بحترمه وأقول زي والدي، لدرجة إن جوزي لما يطلع الشغل وحمايا يطلع عندي كنت أحترمه وأخلي بالي منه وخاصة إن حماتي متوفية، وأحيانا يطلع بنفسه الشقة عندي، مكنتش بحرجه وأقول عادي لو عايز شاي ولا حاجة أو يقعد في الصالة، لحد في يوم خبط وفتح باب الشقة ونده وأنا كنت بستحمى في الحمام، وقولتله اتفضل في الصالون يا عمي ثوانى وجاية، وكان باب الحمام مفتوح جزء بسيط جدا عشان البخار حسيت بحد واقف لقيت حمايا بيتفرج عليا جاءت هذه الكلمات على لسان مروة وهي داخل محكمة الأسرة لرفع دعوى خلع من زوجها بعد عامين من الزواج مبررة استحالة العشرة معه.

WhatsApp
Telegram
إقرأ أيضاً
عاجل
عاجل
الدولة تسقط الجنسية عن ألبير شاؤل