لم تتخيل إيناس أن حياتها الزوجية ستنتهى سريعا بهذا الشكل، حيث أنها لم تستغرق سوى أيام معدودة، لتعود من أجازة شهر العسل إلى محكمة الأسرة بزنانيري، لرفع دعوى خلع من زوجها مبررة ذلك بقولها "من أول ما اتجوزنا وهو بيعاملني زي أخته، حتى محاولش يقرب مني بحجة إن الأيام لسة قدامنا، وأنا طبعا كنت محرجة ومش بتكلم معاه فى أى حاجة زى كدا، لحد ما قررنا نسافر شهر العسل وهناك اكتشفت إنه مش راجل ولما طلبت منه يروح للدكتور، قال لي لا أنا كويس الموضوع كله حسد مش أكتر، لحد ما طلب مني حاجة غريبة أعملها".
وروت الزوجة قصتها لـ" أهل مصر" قائلة: "مكملتش شهر متجوزة وكان جواز صالونات شافني في مناسبة واتقدم ليا، وأنا حسيت إنى مرتاحة ليه، واتجوزنا بعد 6 شهور من الخطوبة، وللاسف هو مكنش صريح معايا ومقليش على ظروف مرضه وإنه ضعيف جنسيا، لكن فضل يماطل في الموضوع عشان ميقولش الحقيقة لحد ما سافرنا لشهر العسل، وهناك بدأ يحاول لكن معرفش بسبب مرضه، وطلبت منه إنخ يروح للدكتور لكنه رفض يعترف إنه مريض أصلا، وقعد يبرر إنه ممكن يكون محسود، لكن لحد ما رجعنا مافيش اى حاجة حصلت بيننا".
وتابعت حديثها : "ولما وصلنا شقتنا طلبت منه إنه يتعالج أو يطلقني، لكن هو رفض وطلب مني طلب غريب إننا نروح للدكتور يفض عذريتي، وطبعا أنا رفضت إنى اتجوز بالشكل ده، وخفت اقول لحد وخاصة لما هددني، عشان كدا أول ما روحت زيارة لأهلي رفضت ارجع ليه، وقولت لأهلي وساعدوني اعرف عليه دعوى خلع ومازالت الدعوى منظورة أمام القضاء.
تابعوا آخر أهل مصر على Google News
