نهى في دعوى خلع: "جوزي كسر رجلي عشان تأخرت 5 دقايق وأنا بحط الأكل"

تجلس نهى داخل محكمة الأسرة على إحدى المقاعد ترتدى عباءة سوداء وتستند على عصا فى يدها تتحامل عليها، لتنتظر دورها في الدخول إلى قاضي الأسرة لرفع دعوى خلع من زوجها بعد عام فقط من الزواج مبررة ذلك بقولها: "من أول ما اتجوزنا وهو على طول خناق على اتفه الأسباب لدرجة كنت بترعب لما أسمع صوته جاي من الشغل كأنى اله متحركة عايز كل حاجة فى نفس اللحظة، ومش مراعى انى بعمل كل اللى فى وسعى عشان خاطره لكن هو اكتشفت أنه عايز خادمة وخلاص ويذل كمان فيها براحته".

وتابعت حديثها قائلة: "على الرغم من كدا كنت راضية وصابرة لحد ما بدأ يتهور أوى فى الضرب لدرجة إنه يضربنى بالخرزانه لما طلب منى ياكل يدوب دخلت المطبخ وبجهز ومكنتش كملت ٥ دقايق، لقيته قام سب وشتمنى بأبشع الألفاظ وفضل يضرب فيا لحد ما رجلى اتكسرت واتصلت على والدي، واخدني وروحت المستشفى وجبسوا رجلى عشان"،

وتابعت: "قررت اشترى المتبقي من كرامتى وطلبت الطلاق منه رفض فرفعت دعوى خلع ومازالت الدعوى منظورة أمام القضاء".