فاطمة تطلب الخلع: زوجي اغتصبني ليلة الدخلة.. وعشت أسوأ 10 شهور في حياتي

"جوزى همجى بمعنى الكلمة، مش عارفة ازاي مكنش ظاهر عليه في الخطوبة، وكان بيمثل الطيبة والاحترام وهو أساسا ميعرفش عنهم حاجة، من أول يوم فرحنا واتعامل معايا بطريقة همجية، واتحملت ورفضت أتكلم قدام حد عشان الإحراج، لكن لقيته فى كل حاجة كدا مش بس العلاقة، طول الوقت شتايم قذرة على أتفه الأسباب، لحد ما فاض بي الكيل من الوجع الجسدي والنفسي"، نطقت بهذه الكلمات فاطمة وهى داخل محكمة الأسرة لرفع دعوى خلع من زوجها بعد 10 أشهر من الزواج مبررة بذلك استحالة العشرة معه.

وقالت الزوجة فى مستهل حديثها: "أنا اتجوزت من 10 أشهر وكانت من أسوأ أيام حياتى، لما لقيت جوزى بيغتصبني من أول يوم مع بعض، ووقتها كنت محرجة إني أتكلم مع حد من أهلى واستحملت الألم الجسدي والنفسي، وبيشرب حشيش، وطول الوقت عايز يتخانق، وشتيمة بأبشع الألفاظ، وصلني لدرجة أني بقيت مش عايز أشوفه ولا أسمع صوته، كنت بستحمل عشان خاطر مرجعش مطلقة في ظرف شهور قدام الجيران، عمره ما مارس العلاقة الحميمة بطريق آدمية ديما اغتصاب، لحد ما بقيت أتهرب منه".

وتابعت حديثها قائلة: "كان بيشرب طول الوقت حشيش ومسطول لحد ما بقيت بكره الدنيا كلها بسببه، وأخيرا اتجرات وطلبت منه الطلاق رفض عشان كدا رفعت دعوى الخلع، و مازالت الدعوى منظورة أمام القضاء".