"حماتي بتغير مني على جوزي بطريقة مش طبيعية، وحجتها أن ابنها الوحيد وتقول لي أنا أولد وأكبر وأربي وأنتي تاخديه يدلعك على الجاهز"، بهذه الكلمات وصفت "سحر" حياتها من داخل محكمة الأسرة لرفع دعوى خلع بعد زوجها من عام و4 أشهر، مبررة استحالة العشرة معه بسبب والدته وضعف شخصيته أمامها.
وروت الزوجة قصتها لـ"أهل مصر": "أنا خريجة كلية حقوق لكن محاولتش أني أشتغل، لأني تقدم لي زوجي بعد انهاء الدراسة، وكانت والدته ترسم الطيبة في فترة الخطوبة لحد ما وافقت وتم الزواج وسكنا معاها في نفس البيت لأنه ابنها الوحيد، ورفضت أن يعيش بعيدا عنها، وأنا كنت بعاملها مثل والدتي وكان نفسي تعاملني مثل ابنتها".
وأضافت سحر: "لكن أكتشفت أنها عايزة تبقى مسيطرة عليا في كل حاجة ممنوع أقول رأي أو أخرج أزور والدتي أو حتى أهلي يزورني بغير أذن منها، والتليفون لو رن وهي معايا لازم تعرف مين وعايزني في إيه وتجبرني على فتح سماعة التليفون الخارجية عشان تسمع بتكلم في إيه".
وتابعت حديثها قائلة، "كنت بحس أني متراقبه طول الوقت ولما أقول لجوزي عشان يخليني أعرف أخد حريتي، ومبقاش زي الخدامة لقيته ضعيف الشخصية قدامها".
تابعوا آخر أهل مصر على Google News
