ظهر الإعلامي أحمد موسى، وسط أشجار الكريسماس باستوديو 'صدى البلد' قائلا إن الإعلام المصري سيدعم الدولة المصرية، مضيفًا: هنفضل ندعم بلدنا واللي زعلان مننا يشرب من البحر.
وخلال برنامج 'على مسئوليتي' مساء اليوم السبت تابع موسى: 'فيه ناس مش عايز الإعلام يقف مع مصر.. سأظل داعم للوطن ضد الخونة والأعداء.. فيه حرب من داخل البلد وخارج البلد'.
الإعلام المصري هيفضل داعم ومساند لبلده
وواصل موسى: إزاي تقارن اللي قعد في بلده رغم التهديدات ولم يهرب منها.. الإعلام المصري هيفضل داعم ومساند لبلده ولن يتخلى عنه.
وأكمل موسى: كان فيه ناس بيطلعوا مخصوص في قنوات الشر عشان يهتفوا ضد الجيش والشرطة ليل ونهار، وبفضل ربنا كل مؤشرات الرصد الإعلامي خلال 2022 تتحدث عن برنامجي كأفضل برنامج توك شو.. كلامك مجرد سفاسف لا يعنيني على الإطلاق.
أحمد موسى
واختتم موسى: 'إحنا عندنا حاجة واحدة بس هي مصر، ولما شعبنا يكون عنده أزمة بنطلع نتكلم من خلال البرنامج.. وعمرنا ما هنتخلى عن رسالتنا الإعلامية رغم الانتقادات، واللي مش عاجبه عنده بحرين يشرب منهم'.
تابعوا آخر أهل مصر على Google News
