ركزوا في الحاجات دي.. استشاري تدريب وتطوير يوضح روشتة سحرية للحماية من الخذلان

كشف الدكتور شريف صلاح الدين استشاري التدريب والتطوير، كيفية التعامل بشكل صحيح في أول لقاء، قائلا إنه على الشخص أن يعطي انطباع في المقابلة الأولى أنه مختلف ويعطي قيمة مضافة.

الانطباع الأول

وخلال مداخلة هاتفية لبرنامج 'صباح الورد'، المُذاع على فضائية 'ten'، تابع: 'مختلف يعني لما حد يقابلني يحس أني مش زي أي حد قابله، لأن ده اللي بيدي انطباع أولي مميز، ولما أمشي يحس الشخص أن اللقاء كان له قيمة، وأني أضفت له حاجة'.

وشدد على ضرورة أن يحتفظ الشخص بثلاثة أشياء 'إيجابيتة، ابتسامته، مهارته'، مضيفًا: 'دايما بنقول الناس بتتخلى عننا، لكن لو عندي إيجابية وابتسامة موجود طول الوقت، ومهارة الناس محتاجاها لا يمكن اتعرض للخذلان'.

روشتة سحرية للحماية من الخذلان

واستكمل: 'ركزوا في الحاجات دي عشان ميبقاش عندنا أزمات حياتية في علاقاتنا مع الآخرين'، موضحًا أن الإيجابية هي مهارة نتعلمها وليست كلمة نكتسبها'.

واستطرد: 'كل الناس بتقول خليك إيجابي، ومحدش بيقول أعمل إيه عشان أكون إيجابي، خليك إيجابي دي نصيحة لكن الإيجابية مهارة'.