دينا: «الرقاصة مش خطافة رجالة.. ووالدي قاطعني بسبب عملي في الرقص الشرقي»

كشفت الراقصة الاستعراضية دينا، عن تفاصيل علاقتها مع والدها بسبب عملها في مهنة الرقص الشرقي.

وقالت 'دينا'، في لقائها ببرنامج 'كلمة أخيرة'، المذاع عبر قناة 'أون إي'، إن والدها قاطعها لمدة عامين بسبب احترافها للرقص الشرقي، مضيفة: 'في ثانية جامعة لما جبت تقدير جيد بعت الورقة لبابا، وفضل مخاصمني لا بيشوفني ولا بيقابلني لمدة سنتين بسبب عملي في الرقص'.

وأضافت: 'بعد ما جبت جيد في الجامعة اتكلمنا مرة تانية، بابا الله يرحمه كان يحبني أكثر واحدة في بناته، بابا اتجوز 3 مرات واحنا 5 بنات وأنا كنت البنت المفضلة لديه، وهو وكان عايز يصالحني، وكان بيعدي على بيتي كل يوم ، وبيعدي على الفندق اللي انا بشتغل فيه'.

وأكملت: 'والدي كان عايز يطمن عليا وجبته وقولته تعالى شوف أنا عايشة فين، كنت عايشة في فيلا جدة واحدة صحبتي وكانت مدباني بيت بسلم ومش بتدخلني متأخر لكن كانت عارفة مواعيد الشغل'.

حياة الراقصة دينا مع أصدقائها

واستطردت: 'من زمان أوي وأنا قاعدة داخل البالونة الخاصة بي، وواضعة فيها الناس اللي عايزة أشوفهم، والناس اللي بتتكلم عن الرقص بشكل سلبي بعتبرهم خارج البالونة وبمنع عني الصوت ده، حاولت أخلي كل اللي حواليا يحترموني على قد ما قدرت، وكنت بتصرف بطريقة تليق ببني آدم محترم'.

وأردفت: 'حاولت دفعهم ليغيروا وجهة نظرهم في فكرة الراقصة، فكرة الراقصة أنها منحلة وملهاش كبير وعديمة الأخلاق ودائمًا سبابة وتخطف الرجالة، وتعرف الناس عشان فلوسها، دي وجهة نظر بني آدم مش وجهة نظر أو تركيبة رقاصة'.