بالصور.. 7 طرق مختلفة لعمل بسكويت العيد

1- طريقة عمل بسكويت البرتقال

المكونات:

1 كيلو دقيق

400 جرام سكر بودرة

12 كيلو ذبدة

1 معلقة صغيرة فانيليا

كوب عصير برتقال

5 بيضات

1 معلقة كبيرة بيكنج بودرللنكهه

1 معلقة كبيرة بشر برتقال

طريقة التحضير:

نخفق الزبدة مع السكر لمدة 10 دقائق حتي تصبح كريمة هشه وبيضاء اللون ثم يضاف البيض واحدة واحدة مع الخفق بالمضرب او العجان مع اضافة الفانيليا وعصير البرتقال وبشر البرتقال ثم نضيف الدقيق ونضع مع البكينج بودر وذرة ملح وننخلهم علي خليط الزبدة ونجمع العجينة باليد.

ثم نشكلها بكيس حلواني او ماكينة بسكويت او البيتيفور كما يمكن استخدام القمع اليدوي حسب الرغبة يرص في صاج منخفض الجوانب مع ترك مسافة بينهم ويخبز في فرن مسبق التسخين على حرارة 180 تقريبا حتى يحمر خفيفا ويصبح ذهبى.

يخرج من الفرن ويترك كما هو في الصاج حتى يبرد ثم يوضع في علب لحفظه.

2- بسكويت النشادر

المكونات:

كيلو دقيق

ربع كيلو سمنة بلدى سايحة

5 بيضات كبار

كوب حليب بارد

350 جرام سكر بودرة

ملعقة صغيرة بيكنج بودر

ملعقة كبيرة نشادر

ملعقة صغيرة فانيليا

طريقة التحضير:

هنخفق البيض كويس جدا بالمضرب الكهربائى لغاية ما القوام يتكاثف وندوب النشادر والبيكنج بودر فى كوباية الحليب فاتر لاهو ساخن ولاساقع ونضيفهم للبيض ونخفقهم وفى اناء فاضى هنحط السمنة والسكر بودرة ونضربهم بالمضرب ونضيفهم لخليط البيض والحليب ونضربهم بالمضرب ونضيفلهم الدقيق المنخول بالتدريج ونقلبه معاهم لغاية ماتتكون عجينة نسيبها ترتاح ساعه كده ومتغطيه طبعا.

ونبدأ نشكله ثم نشكلها بكيس حلواني او ماكينة بسكويت او البيتىفور حسب الرغبة.

يرص في صاج او هنحطه فى صوانى مدهونة منخفض الجوانب مع ترك مسافة بينهم ويخبز في فرن مسبق التسخين على حرارة 180 تقريبا حتى يحمر خفيفا ويصبح ذهبى يخرج من الفرن ويترك كما هو في الصاج حتى يبرد ثم يوضع في علب لحفظه.

3- بسكويت اللانكشير:

المقادير:

2.5 كوب دقيق

2.5 كوب نشا

ملعقه صغيره بكينج باودر

1.5 كوب سكر بودره.

2.5 كوب نشا

2 بيضه

1.5 كوب زبدة لينة بحرارة الغرفة

وفانيلا

مقادير الحشوه:

مربى فراوله أو مشمش

طريقه التحضير:

نضرب الزبدة كويس ثم نضرب معها السكر الناعم ويضربو بالمضرب الكهربائى حتى تصبح هشه ثم نضيف البيض وتخفق ثم الفانيلا ثم نضيف الطحين والنشا والبكنج باودر وتكون العجينه طريه ثم تدخل التلاجه ربع ساعه ثم تخرج ناخد حته من العجين اكبر من البندقة ونكورها كرات صغيرة ونحطها في الصواني وتخبز على 180 لمده 12دقيقة بيكون استوى من غير ما يتغير لونه ثم نتركه تبرد خالص ونضع كل حبتين مع بعض بالمربى ونضغط علشان يطلع المربى من الجناب ثم نغطيه بالمكسرات او بجوز الهند او ممكن نغطي كل حبة لوحدها بصوص الشيكولاته.

4- بسكويت السابليه

السابليه نوع من أنواع بسكويت الزبدة ويسمى بهذا الاسم لانه هش وطري ويقدم عادة على موائد اعياد عيد الفطر والاضحى وهو من انواع البيتيفور المحببة جدا.

المكونات:

3.5 كوبايه دقيق

1.5 كوب زبده

3|4 كوب سكر ناعم

بيضه

2 معلقه بيكنج بودر

معلقه فانيليا

طريقه التحضير:

نخفق الزبدة مع السكر ثم البيضه والفانليا ثم نضيف نضيف باقى المكونات ونعجن كل المكونات نحطها في كيس بلاستيك ونخليها ترتاح ساعة في الثلاجة.

بعد ذلك نفرد العجينه علي رخامه مرشوشه دقيق في ناس بتحب تعمل سابليه بالكاكاو زى البتيفور هتاخدوا جزء من العجينة او نصها وهتضيفولها ملعقة صغيرة كاكاو للتلوين لو تحبوا ثم نقطع العجين باي شكل نحبه قلوب مثلثات نجوم اى شكل بالقطاعه سمك نص سم ونعمل نصف الكمية مثقوبة في الوسط ونحطها في الفرن من ٧ الى ١٠ دقايق وبعدين نسيبه ينشف بره الفرن والحشوة بالمربى او نوتيلا او صوص شيكولاته ومكسرات مجروشه.

5- بسكويت الفانيليا:

المقادير:

2 كوب دقيق

كوب سمنة

بيضه

كيس فانليا

3|4 كوب سكر بودرة

نص معلقة صغيرة بيكنج بودر

طريقه التحضير:

ضيفى السكر على الذبدة وأخفقى كويس لحد ما الخليط يبقى هش وخفيف وبعدين ضيفى البيضه والفانيليا على الدقيق وضيفى الدقيق والبكنج بودر على الخليط السابق وأعجنى جيدًا لحد ما تتماسك العجينة وسبيها ربع ساعه ترتاح.

ثم أفردى العجينة وشكليها بقمع او ماكينة البسكوت زى ما أنتى عايزة وهاتى الصينية وأدهنيها زيت أو ذبدة وتكونى مسخنة الفرن واخبزية عشر دقايق علي حرارة 160درجه.

6- البرازق (بسكويت السمسم)

المقادير:

1 كوب زبدة

12 كوب سكر

1 بيض

12 ملعقة صغيرة فانليا

3 كوب دقيق

14 ملعقة صغيرة ملح

1 ملعقة صغيرة بيكينج باودر

12 كوب حليب

3 ملعقة كبيرة فستق مجروش

1 بياض بيض

3 ملعقة كبيرة سمسم

طريقة التحضير:

تخفق الزبدة جيدًا ثم يُضاف السكر وتخلط المواد حتى تصبح هشة كالكريمة.

يُضاف البيض والفانيليا مع الاستمرار في الخفق حتى يندمج الخليط.

يخلط الدقيق والبيكنج باودر والملح.

يُضاف خليط الدقيق تدريجيًا إلى خليط الزبدة.

يُضاف الحليب إلى الخليط وتخفق المكونات حتى يتشكل عجين متماسك.

يُمد العجين علي سطح مرشوش بقليل من الدقيق ويقطع بالقطاعة إلى دوائر صغيرة.

يُقسم الفستق المجروش (حوالي 41 ملعقة صغيرة) في صاج على مسافات متباعدة.

تُوضع الدوائر فوق الفستق المجروش ويضغط عليها قليلًا حتى يلتصق بها الفستق من اسفل.

يُخفق بياض البيض وتدهن به البرازق من أعلى وترش بالسمسم.

تُخبز البرازق في فرن حرارته 180 درجة مئوية لمدة 15 دقيقة.

يستحسن أن يوضع الصاج في الرف الأوسط حتى لا تحرق البرازق من اسفل.

7- بسكويت القرفة

المقادير:

نص كوب سكر

4 معلقه عسل أسود

نص كوب زيت

بيضة

قرفة معلقة صغيرة

2 كوب دقيق

طريقة التحضير:

ضربي البيض والقرفة والسكر بعدين ضيفي العسل والزيت ضربى جيدا ضيفي الدقيق لحد ماتتكون عجينة مش بتبقي متماسكة اوي لانة لازم يرتاح بالتلاجة نصف ساعه افرديها على الرخامة تحتها رشة دقيق وباي قطاعة عندك قطعى أى شكل تحبيه قلوب مثلثات.

بعد كدا اخبزيه فى فرن حرارته 200 درجه لمدة 10 دقايق ولما بيطلع بيبقي طري لان السكر اللي فية بيكون سخن لكن اول مايبرد بيقرمش ويبقى جميل.