قابلتها في عرض باليه.. لبنى ونس تروي كواليس لقائها مع فاتن حمامة

كشفت الفنانة لبنى ونس، عن أن مشاهدها في مسلسل 'ضمير أبلة حكمت'، لم تجمعها بالفنانة الراحلة فاتن حمامة، مشيرة إلى أنها أتيحت لها مقابلتها في أحد العروض الفنية.

لبنى ونس: فاتن حمامة كانت في منتهى الرقي

وقالت لبنى ونس، خلال حوارها مع الإعلامي عمرو الليثي، في برنامج 'واحد من الناس'، المذاع عبر قناة 'الحياة': 'مكانش في مشاهد بيني وبين فاتن حمامة، لكن في نفس يوم التصوير يشاء القدر إني أقابلها في الأوبرا، أثناء حضورها عرض باليه، وحبيت أعرفها إني مهتمة بالباليه'.

وأضافت لبنى ونس: 'كانت في منتهى الرقي وقالت أنا شوفتك في الأستوديو، وتعمدت أقابلها وأكلمها'.

لبنى ونس: رجعت للتمثيل بدور كومبارس والإنتاج كان مهينا

وخلال اللقاء، تحدثت لبنى ونس عن الصعوبات التي واجهتها بعد تراجعها عن قرار الابتعاد عن التمثيل قائلة: 'الرجوع بأدوار صغيرة مش هو الإهانة، الإيد البطالة هي اللي مهينة، لكن لما تعتمد على نفسك وتعمل أي نوع من العمل شيء مفيش فيه إهانة'.

وتابعت: 'في المسلسل اللي اشتغلت فيه كنت تبع المجاميع، يعني كومبارس متكلم، وكنت في دور واحدة منقبة واقفة في طابور انتخابات، ولما إتكلمت وقلعت الحجاب المخرجة مريم أبو عوف انبهرت وقالت أنا عارفاكي إيه اللي خلاكي تعملي كده، والمشكلة كانت إن الإنتاج تعامل معايا بطريقة مهينة جدا، وأنا أخذتها على إنه مفيش عندهم وعي وثقافة العمل'.