سادت حالة من الغضب والسخرية بين بعض المعلمين وأصحاب المؤهلات العليا، بعد أن أصدرت وزارة التربية والتعليم والتعليم الفني، قرارا عاجلا وتم تعميمه على جميع المديريات التعليمية، توضح خلاله موافقة وزارة المالية على الاستعانة بغير العاملين في التربية والتعليم والحاصلين على مؤهلات عليا للعمل بالحصة وذلك بمقابل 20 جنيها للحصة الواحدة، وجاء فى القرار عدم المطالبة بالتعيين مستقبلًا على ميزانية الدولة، وأن هذا إلى أن هذا القرار يأتي لسد العجز.
الغضب يسيطر على المعلمين بعد قرار الحصة بـ 20
حيث قالت دعاء المسلمانى ' تعليم بيزعم انه يطوره وبيعامل المعلم اللي هو اساس العملية التعليمية الحصة ب٢٠جنيه والحسابه بتحسب بدل الملايين المدفوعة في التابلت اللي العيال بيستخدموه عشان يعرضوا قذارات والملايين المصروفه علي المناهج العقيمه مالها المناهج القديمة اخترعتوا أيه؟ نفس المعلومات بس مغيرين طريقة العرض ، بدل كل ده كنتوا عينوا مدرسين وظبطوا المدارس ولا كل غايه البنك الدولي هو تبويظ الأجيال بالتابلت والمناهج'.
وأضاف ' بلال' يعني لو اليوم 5 حصص ب100، يعني الاسبوع ب 500، يعني الشهر ب2000، شيل منهم 200 مواصلات يبقي 1800شيل منهم 500 فطار يبقي 1300، شيل منهم 600 سجاير يبقى 700، شيل منهم 500 قعده علي القهوه يبقي 200، طب عاوز اجيب لخطيبتي هديه، او أخرجها أو حتى اروح ازورهم في بيتهم اعمل ايه'.
وقال ياسر رضوان' انا عاوز افهم حضرتك عندك معاشات ووفيات كل عام الموظف كان بياخد قبل المعاش ٤٠٠٠ جنيه طلع معاش بياخد ١٤٠٠جنيه الفرق ميعينش ٢مدرسين ليه'.
وأكمل محمد فتح الله ' تقولو حصه ب 20جنيه وحسن شاكوش غنى اغنيه هلس وقال هشرب خمور وحشيش فى ربع ساعه ولم فيها ٤٥ مليون جنيه'
خبير تربوى " التعليم أمن قومى ولا بد من التعيين الثابت للمعلم"
وقال سعيد محمد خبير التربوي، أن التعليم أمن قومى ولابد من تخصيص ميرانية له للتعاقد مع عدد من المعلمين وخريجي التربية والمؤهلات العليا بعقود ثابتة وليس بالحصة وخاصة أن المدارس تعانى من العجز وهناك الآف من الخريجين يريدون العمل وينتظرون قبولهم فى وزارة التربية والتعليم.
وتابع' محمد' فى تصريح خاص لـ' أهل مصر' أنه لا يوافق على عمل المعلمين وأصحاب المؤهلات العليا بالحصة ولابد من إعادة النظر وأخذ قرارات بالتعيين بعقود ثابتة حفاظا على المعلم أساس العملية التعليمية.
تابعوا آخر أهل مصر على Google News
