ننشر أبرز تصريحات الرئيس السيسي اليوم، حيث افتتح الرئيس عبدالفتاح السيسي اليوم السبت، عددا من المشروعات خاصة بقطاع البترول، وكذلك مشروع 'بشاير الخير 2' للإسكان، ومحطة معالجة الصرف الثلاثية ببرج العرب، بالإضافة إلى مشروع تطوير محور المحمودية.
وقال الرئيس السيسي خلال المؤتمر الذي عقد للحديث حول الاستثمارات والمشروعات الجديدة التي تم الانتهاء منها والجاري العمل عليها خلال الفترة المقبلة، إن هناك أمرين نعاني منهما هما التعدي والبناء غير المخطط، حيث أن هناك 12% تعديات من إجمالي المباني في 2019، و37.5% من حجم المباني في 2020، والتي زادت بحوالي 10- 15% منذ 2014، مشيرا إلى أن الكثير من المواطنين لديهم ضيق من إجراءات الدولة لضبط مخالفات البناء سواء على الأراضي الزراعية أو البناء دون ترخيص.
وأضاف الرئيس السيسي: 'صدقوني التعدي على الأراضي الزراعية والبناء غير المخطط خطير كموضوع سد النهضة، الكلام اللي إحنا فيه محل نقاش وجدل كبير، وكتير من المواطنين متألمين من إجراءات الدولة لضبط مخالفات البناء على الأراضي الزراعية أو البناء دون ترخيص'.
وأشار السيسي إلى إن البناء المخالف خطير، ولابد من المساعدة لكي نستطيع تفادي الخطر موجها حديثه للمواطنين: 'أنتم مش بتساعدونا ليه؟ أنا مش عايز أبيع الوهم للمواطنين، البحيرة فيها 77 جامع مخالف على حرم الترع هو اللي عايز يبني بيت لربنا يسرق أرضه؟ إحنا هنشيلها وهنبني غيرها'، مضيفا: 'والله أنا بحلف هدفي مصلحة للكل، انتوا اللي كنتوا بتعايرونا بمظهر مصر، ابقوا زينا دلوقتي وإحنا بنبي'.
وتابع: 'الأرضي الزراعية اللي بتدمروها دلوقتي بالبناء هتشتغلوا إيه بعدين؟ والله الأرض الزراعية بالري الحديث والزراعة الحديثة بتجيب عائد أكثر من كدة ودة دور وزارة الزراعة والدولة المصرية تعريفهم ذلك'.
وأضاف: 'أزلنا 30 مسجدا وبنيناها من جديد، كانوا بيقولوا إننا بنهد مساجد ربنا، هو إحنا بنهدها علشان كارهين ولا علشان نعمل مصلحة وتنمية، القنوات المسيئة عايزة دايما تكلمكم كلام ما يرضيش ربنا بس هم والله ما يعرفوا ربنا، بقى إحنا بنهد جوامع ربنا؟ يارب تبقوا زينا في عمل حساب لربنا، نحن نفتح المشروع ولا نراعي صيانته فيما بعد، يجب الاهتمام بصيانة المشروع أنت بتكسب متسبش التراب كده عليه'.
وأردف: 'لم يحدث أي نقص في أي سلع حتى في ظل ظروف انتشار فيروس كورونا، محدش بيتكلم في العالم كله عن المشروعات غيرنا إحنا عشان نشارك معاكم، أنا بشرح لكم يا مصريين عشان تبقوا معانا وعارفين، لازم تبقوا معانا طالما التنفيذ والتخطيط داخل الإطار، صرفنا 350 مليار جنيه على إصلاح المدن القديمة، ولو صرفناهم في العاصمة بس صدقوني هتغطي جزء كبير جزء من المرافق والوحدات السكنية، لكن اضطرينا نعمل كده عشان نسينا المدن المدنية والإنفاق اللي صرفناه في الإسكندرية، كان ممكن يبني إسكندرية جديدة، لو غابت الدولة المصرية مرة تانية هنأجل التطوير 100 سنة، وأنا لا يمكن أكون موجود والإصلاح قدامي إلا وأعمله'.
وأوضح الرئيس أنه لولا تداعيات فيروس كورونا التي أصابت العالم كله، لكنا قد حققنا معدلات كبيرة في النمو ولم نحتاج إلى الاقتراض من الخارج، مؤكدا أن الاقتصاد المصري بخير ويتطور وفق الرؤية التي تم وضعها، مشيرا إلى أن مصر حافظت على تصنيفها وفقا لتقييم كبرى المؤسسات التقييم الدولية مما يؤكد سلامة إجراءات الإصلاح الاقتصادي الذي تنتهجه مصر.
وتابع: 'الدولة المصرية لن تغيب مرة أخرى، ما ينفعش الدولة تغيب تاني، لو غابت تاني، يبقى بتأجلوا التطوير 100 سنة، وأنا ما أقدرش أقبل كده، الناس هتبقى زعلانة ومتضايقة، لو مش عايزني أبقى موجود هنا ما عنديش مشكلة، مستحيل أبقى في مكان وأسيب الإصلاح بما يرضي الله'.
وحذر السيسي المسؤولين: 'اللي مش قادر يشيل مشاكل بلده يسيب مكانه مش عيب، أنا بتألم وبتعذب كل يوم وأنا بشوف بلدي بتتقطع وأهلها بيدمروها، إحنا بقينا أعدى أعاديها وليس الإرهاب فقط، ولكن التعدي على الأراضي الزراعية عدو، فإذا أردت البناء على الأرض الزراعية يجب أن يكون بتنظيم'.
وأضاف الرئيس السيسي، موجها حديثه للمحافظين ومديري الأمن 'اللي ميقدرش يقوم معانا بما تحتاجه الدولة المصرية ويحقق الانضباط يقولي بصراحة وأنا هعفيه وهحترم رغبته في ده، ولا يوجد أحد في العالم يتحدث عن أوضاعه أمام الناس إلا مصر لأن هدفنا الإصلاح فقط'.
وتابع: 'إزاي هنزيل مليون مبنى مخالف خلونا ناخد خط ونقف، والله وأنا جاي بالطيارة فيه ناس بتتعدى وبتبني' كما وجه حديثه للمسؤولين عن الدولة: 'هقول حاجة ومحدش يزعل اللي مش قادر مش وقته واللي خايف مش وقته، إحنا جبنا معدات تكفي إزالة الأمر ده، وهننزل على القرى ونبيد كل ده، ولو الناس مش عاجبها تبقى تستفي إننا نسيب المكان ونمشي'.
ولفت إلى أن التجاوز في المخالفات كان مقبول بيه في 2011، بسبب ظروفنا الأمنية ساعتها وقلنا من 2016 و2017، هنقف والمحافظون الآن لديهم صلاحيات أكتر عشان يوقفون مخالفات البناء، معلقا: 'كفاية كدة خلونا نصلح اللي حصل ونحافظ على الباقي من أرضنا، أنا بشوف العجب من الطيارة اللي بيحصل في بلدنا'.
وفي نهاية حديثه وجه تحية للمصريين على وعيهم: 'أنا متابع على مواقع التواصل الاجتماعي ردود الأفعال على التطورات والأزمات الكبيرة التي تمر بالمنطقة وخاصة على الحدود الغربية وملف سد النهضة، والمصريين كانوا خايفين نتورط في حاجة وأنا أقدر ذلك، لأننا وصلنا أن نكون شعب قلق على إنجازاته وقواته المسلحة وأنا أقدر ذلك من المصريين وأدعمهم في مزيد من الرأي والمشاركة'.
وتابع: 'لا تتعجلوا الحكم على قرارات الدولة، حجم الإنفاق على المدن الجديدة لو كنا عملناه من 30 سنة مكنش دلوقتي هانبقى مضطرين ننفق كل الأموال دي لمعالجة الأخطاء، كان في ناس بتقول العاصمة الجديدة لازمتها إيه، ده معناه أنك مش عارف قضيتنا فيها إيه، من فضلكم متستعجلوش في الحكم على قرارات الدولة، الناس اللي بتتكلم في القنوات دي مش مهتمه بمصلحة البلد، لو طالوا يخربوا البلد هيخربوها'.
تابعوا آخر أهل مصر على Google News
