"كنت دايما بحس إنه عينه من مرات أخويا، طريقته معاها في الكلام على الرغم إنها مش بتطيق سيرته ولا بتتقبله وكمان هي كانت بتيجي تساعدني في وقت ميكونش موجود فيه لكن فى يوم كنت تعبانة أوي، وهو جه لما كانت عندنا وحاول يتحرش بيها في المطبخ، وعشان خافت من المشاكل لبست هدومها وجريت تمشي وعرفت من أخويا بعدها إنه حاول يتحرش بيها" جاءت هذه الكلمات على لسان "سمر" وهي داخل محكمة الأسرة لرفع دعوى خلع من زوجها بعد ٤ سنوات من الزواج مبررة استحالة العشرة معه.
وقالت الزوجة "سمر"، في مستهل حديثها مع أهل مصر: "أنا من يوم ما اتخطبت ليه وكنت بلاحظ إنه بيعامل مراة أخويا بطريقة مختلفة عن كل البيت، بس كنت بقول إنه بيعمل كدا عشان هي مؤدبة مع الكل، وبتعشق جوزها، ومحاولتش أركز تاني في أي كلام، لحد ما اتجوزنا وبقيت كل حاجة تظهر قدامي محاولة إنه يزور أهلي دايما لأن أخويا ومراته ساكنين مع أهلي، كنت بتحجج إني مروحش هناك، لكن كنت بصبر نفسي وأقول مافيش حاجة لأن مرات أخويا مش بطيقه، ومرت الأيام لحد ما فى يوم كنت تعبانة جدا واحتجت مرات أخويا تيجي تساعدنى، وقولتها إنه هيكون فى شغله ومش موجود وهى فعلا جات".
وتابعت حديثها قائلة: "كنت نايمة على السرير وهي كانت فى المطبخ، وفجأة لقيتها بتجري على أوضة النوم أخدت لبسها على الحمام لبست وخرجت وجوزي عمل نفسه لسه داخل اتفاجأت إنه رجع بدري، وتخيلت إنها مشيت جرى عشان شافها بعباية البيت، لكن اللي حصل عكس كده لما أخويا اتخانق معاه وعرفت إنه اتحرش بيها، وطبعا صدقت أخويا لأن جوزي إنسان كذاب، وعشان كده رفعت دعوى خلع بمحكمة الأسرة وانتظر أولى الجلسات".
تابعوا آخر أهل مصر على Google News
