لم تستطع إسراء التحمل أكثر من 3 سنوات مع زوجها بسبب سوء معاملته لها، فضلا عن بخله في العلاقة الزوجية وقسوته في المعاملة، كما أنه تعدى على أموالها الخاصة، وقام بسرقتها، ما جعلها تقف داخل محكمة الأسرة لرفع دعوى خلع منه مبررة ذلك بقولها: "أنا أول ما اتجوزت وأنا عايشة حياة نكد وعايشة حياة صعبة أوي، كان بيصر ما يدنيش حقي الشرعي في العلاقة الزوجية غير لما أطلب منه، وكمان عديم المشاعر مفيش كلمة حلوة ولا هدية في مناسبة، طول الوقت عايز فلوس مني حتى مرتبي خلصان عليه ولما رفضت أنه ياخد فلوس مني تاني سرقني وأنكر أنه شاف حاجة".
وقالت الزوجة في مستهل حديثها مع "أهل مصر": "أنا والدي توفي وأنا صغيرة وعايشة مع والدتي، والحمدلله حالتنا مرتاحة جدا، ووالدتي مش بتبخل عليا بأي شيء لحد ما وصلت أني أي شيء أطلبه يتنفذ، واتعرفت في شغلي على زميل ليا، كان عارف كل ظروفي ورسم عليا الحب لحد ما وقعني في شباكه، وطلبت منه يتقدم، وساعدته بسبب ظروفه المادية ومقولتش لماما حاجة، عشان يفضل كبير في نظرها هي والعيلة وبدأنا نجهز للجواز، واشترط أننا نقعد في شقة لوحدنا عشان ناخد راحتنا، لكن في الحقيقة هو كان عايز يستغلنا براحته".
وتابعت: "من أول ما اتجوزنا على طول عايز فلوس حتى مرتبه معرفش بيصرفه فين، تقريبا بقيت أصرف عليه، دا كمان غير معاملته الصعبة لأنه تأكد أن روحي فيه وبدأ ينتظر أني أطلب منه العلاقة أو كلمة حلوة، لحد ما بقيت أحس بالذل والإهانة وقررت ما أديهوش فلوس تاني عشان تقريبا هيخلص كل اللي ورايا، ولما عرف كده اتجنن عليا ووصل أنه يضربني عشان كده قررت أرفع دعوى خلع منه ومنتظرة أولى الجلسات.
تابعوا آخر أهل مصر على Google News
