" كنت فاكرة أن فى وقت تعبى ومرضي جوزى هيكون أول سند ليا ويقف معايا، لكن الحقيقة المرة أنه أول ما عرف بتعبي وأنى مريضة بورم فى المخ ومحتاجة جلسات كيماوى مع عملية فى ظرف أسبوع أتجوز واحدة إيطالية وهو فى شغله فى شرم الشبخ وسافر معاها وأتكلم معايا أنه هيروح معاها عشان يشوف شغل هناك ويعرف يصرف عليا وعلى أولادى، وبقاله سنة حاليا حتى تليفون مش بيسأل على عياله لدرجة أنى كرهت أبقي على ذمته " جاءت هذه الكلمات على لسان وفاء وهى داخل محكمة الاسرة لرفع دعوى خلع من زوجها بعد 8 سنوات من الزواج مبررة استحالة العشرة معه.
وقالت الزوجة فى مستهل حديثها مع " أهل مصر"، أتجوزت من 8 سنين جواز صالونات وكان بيشتغل فى شرم الشيخ وربنا كرمنى بطفلين منه وكانت حياتنا شبه مستقرة وبشتغل وبساعد معاه فى كل صاريف البيت، وبضرب المثل به وأنه السند ليا وعمرى ما كنت اتخيل أنه ممكن احتاج إليه ويسبنى أو يبعد عنى عشان كدا مفكرتش يوم واحد أنى أخبي أى فلوس عنه وبعتبر فلوسي هى فلوسه وأننا بنكمل بعض لحد ما ربنا قدر أنى أتعب واتنقل للمستشفى وبعض فحوصات وأشعة أكتشفت أنى عندى ورم فى المخ ومحتاجة عملية وجليات علاج كيماوى .
وتابعت وفاء حديثها، " وأول ما أعرف أتحجج انه هيروح الشغل عشان يجيب فلوس عشان أكشف وأعمل الفحوصات، لكن راح وطول وأتصلت عليه لما حد من زمايله شافه مع واحدة أجنبية وحاولت لحد ما وصلت ليه وكلمته وعرفت أنه اتجوز واحدة ايطالية وراح معاه بلدها عشان الشغل والجنسية ووعدنى أنه هيبعت فلوس لعياله وهيسال علينا لكن بمجرد ما سافر ولا سأل فينا وعدى سنة واختفي وربنا كرمنى وبشتغل وبتعالج وبصرف على ولادى لحد ما كرهت أسمه وأنى أبقي على ذمته عشان كدا رفعت دعوى خلع ومازالت الدعوى منظورة أمام القضاء .
تابعوا آخر أهل مصر على Google News
