شهدت محكمة الأسرة العديد من قضايا الخلع والطلاق باختلاف الأسباب والدوافع؛ منها الجاد ومنها الفكاهي، أبطال هذه القصص أشخاص عاديون مثلنا ولكن كتب لهم القدر أن تسجل أسماءهم فى سجلات القضاء ، لذلك رصد ' أهل مصر' أهم هذه القضايا خلال أسبوع.
أحمد: "بتتكلم مع زميلها في الشات عن العلاقة الجنسية"
تقدم أحمد بدعوى قضائية أمام محكمة الأسرة لرفع دعوى تطليق ضد زوجته بعد عامين فقط من الزواج مبررا ذلك بقوله 'حياتى معاها بقت مستحيلة بعد ما شفت الرسايل بعينى بينها وبين زميلها فى الشغل وبيتكلموا فى العلاقة الجنسية، على الرغم من أنها دايما بتحسسنى انها سعيدة معايا وهى كذابة ولما واجهتها قالت إنها أول مرة تتجرأ وتعمل كدا وعايزانى أسامحها'.
سارة: "شوفته في حضن صاحبتي وبيقولي نزوه وتعدي"
' كنت عايشة فى إهانة وعذاب 3 سنين معاه، بشتغل وبصرف على البيت ومتحملة وادعيله بالهداية، لكن مستحملتش أني أشوفه في حضن صاحبتي وعلى سريري، وبيعاملني كأنها نزوه وعدت عادي ومحسش بقهرتى وعذابي' كانت هذه بعض الكلمات التي نطقت بها سارة وهى داخل محكمة الأسرة لرفع دعوى خلع من زوجها بعد ٣ سنوات من الزواج مبررة استحالة العشرة معه بعد أن قام بخيانتها مع صديقتها.
أيمن: ضربتني على دماغي وهربت لأهلها
تقدم أيمن، بدعوى قضائية أمام محكمة الأسرة بزنانيرى لرفع دعوى نشوز ضد زوجته بعد عام ونصف من الزواج فقط مبررا ذلك ' خدعتنى وكانت بتمثل الطيبة ولما قفشتها بتتكلم فى التليفون مع واحد وشافتني جريت و خبطتنى على دماغى فتحتها واخذت تلفونها والدهب وجريت على بيت أهلها، ولما فوقت وحكيت لأهلها اللى حصل رفضوا يصدقونى وصدق كلامها إنى كنت اضربها راحت دافعت عن نفسها وتفاجأت بيهم رفعوا عليا قضية بالقائمة والذهب على الرغم أنه معاها'.
أسماء: "خيرته بيني وبين الستات الشمال وفضلهم عليا"
' من أول ما اتجوزنا وهو حياته كلها سهر برة البيت لحد وش الفجر، غير علاقته مع الستات اللى كل الناس عرفت بيها، لدرجة ان اخواتي الرجالة مش بيستحملوا يروح عندهم وبيخافوا على ستاتهم واخواتي البنات بيخافوا منه بسبب علاقته مع الستات ولما خيرته بيني وبين الستات الشمال عشان أجبره يكون إنسان محترم قالي هما أحسن منك '، هكذا بدأت أسماء حديثها داخل محكمة الأسرة بزنانيري لرفع دعوى خلع من زوجها بعد 4 سنوات من الزواج مبررة استحالة العشرة معه، وفضلت تربية ابنها وهي ليست على ذمته.
تابعوا آخر أهل مصر على Google News
