أكد الرئيس عبدالفتاح السيسي على أهمية طرح قانون الأحوال الشخصية للحوار المجتمعي خلال الفترة المقبلة.
وقال الرئيس السيسي:'ليه بنعمل صندوق دعم الأسرة في القانون، عشان أي أسرة، والاختلاف وارد، وهما زعلانين من بعض مش عايزين يصرفوا، واللي بيضيع الأبناء، هنعمل صندوق الأسرة اللي هيتكفل بالمصاريف في هذه الفترة... يعني قولنا إيه، عشان في الإعلام تمسكوا الموضوع وتتكلموا، الدين الحقيقي له نظم، والدولة اللي متعملش نظم تحقق مقاصد الدين، يبقى عندها خلل، تقولي إكرام اليتيم، لا لا، نعمل قواعد ونظم، عشان الناس تفهم، ومش فقط نخاطب ضمائر الناس، الدولة مسئولة تعمل مقاصد'.وأضاف: 'حضرتك جاي تتجوز، حط مبلغ في الصندوق، اللي يقدر على الفرح، يقدر يدفع المبلغ، مش كتير، وأنا كدولة اتفقت مع رئيس الوزراء، لو مليار الحكومة هتحط مليار واتنين، هنتكفل بالإجراء اللي يقدر يأمن ولادنا في كل شيئ، احنا بنتكلم على نسبة طلاق أد إيه؟'.
وأجاب وزير العدل على تساؤل الرئيس بشأن نسبة الطلاق سنويا، بالقول: 'اللي كان معلن مقارنة حالات الطلاق اللي تمت من سنة 65 بحالات الزواج لسنة واحدة، وده أظهر إن نسبة الطلاق 36 %، وده مبالغ فيه.. لكن عملنا حاجة، قارننا بين الناس اللي اتجوزت في سنة معينة
ومن جانبه قال عمر مروان، وزير العدل، إنهم حصلوا على موافقة الأزهر والأوقاف والإفتاء فيما يخص قانون الأحوال الشخصية الجديد وخاصة، ضرورة توثيق الطلاق حتى يقع، وبالتالي مطمئنين كثيرًا لجميع الأحكام الموجودة في مشروع القانون.
وعلق الرئيس عبدالفتاح السيسي، خلال افتتاح مجمع الصناعات الكيماوية الطاقة في أبو رواش، اليوم الإثنين، إنه طرح فكرة عمل صندوق للتكفل بمصاريف الأبناء في فترة الخلاف بين الأبوين، مشيرًا إلى أن صندوق دعم الأسرة المصرية تساهم فيه الحكومة المصرية بقدر مساهمة المتزوجين.
وأوضح 'السيسي'، أن المبالغ التي أنفقتها وزارة التضامن على هذه الأسر نتج عنها عدم كفاية الأموال المتوفرة وأصبحت المديونية 300 مليون، وبالتالي نشأت فكرة الصندوق بحيث يساهم فيه المقبلين على الزواج بمبلغ بسيط.
وأكمل: 'أنا اتفرج واسكت لأ.. قولت النهاردة هيتعمل صندوق واللي جاي يتجوز حط فلوس في الصندوق دا مبلغ مش كبير اوي كل الناس تقدر عليه، اللي يقدر على الجواز يقدر على المبلغ، يعني بتعملو فرح وتتخانقوا على الشبكة والفرش وتيجي عشان تحط فلوس في الصندوق تقول كتير لا مش كتير'.
وأردف، قائلًا: 'ليه بنعمل صندوق في القانون، عشان أي أسرة، والاختلاف وارد، وهما زعلانين من بعض مش عايزين يصرفوا، اللي هيضيع هم الأبناء، يبقى هنعمل صندوق الأسرة اللي هيتكفل بالمصاريف في هذه الفترة'، متابعًا: 'يعني قولنا إيه، عشان في الإعلام تمسكوا الموضوع وتتكلموا، الدين الحقيقي له نظم، والدولة اللي متعملش نظم تحقق مقاصد الدين، يبقى عندها خلل'.
وأضاف، قائلًا: 'وأنا كدولة اتفقت مع رئيس الوزراء، لو مليار الحكومة هتحط مليار واتنين، هنتكفل بالإجراء اللي يقدر يأمن ولادنا في كل شيئ، احنا بنتكلم على نسبة طلاق أد إيه؟'، حضرتك جاي تتجوز، حط مبلغ في الصندوق، اللي يقدر على الفرح، يقدر يدفع المبلغ، مش كتير'.
التقط الرئيس عبدالفتاح السيسي رئيس الجمهورية صورة تذكارية مع العاملين في شركة النصر للكيماويات الوسيطة، مطالبًا إياهم ببذل المزيد من المجهود، لتوفير منتجات مصرية ذات جودة عالية.
قدم رئيس شركة النصر للكيماويات الوسيطة، هدية تذكارية للرئيس عبدالفتاح السيسي كتاب الله ليكون خير حافظا له، وذلك في حفل افتتاح مصنعي الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بالجيزة، اليوم الإثنين.
وتسلم الرئيس السيسي القرآن الكريم وقام بتقليبه، معربًا سعادته بقبول هذه الهدية الغالية، والمذاع عبر فضائية 'إكسترا نيوز'.
ووجه الرئيس السيسي الشكر لجهاز الخدمة الوطنية والعاملين في الكيماويات الوسيطة، مؤكد أن الدولة تحتاج جهود أبنائها للخروج بالمنتجات التي تحتاجها البلاد سواء في موضوع الاسمدة او الكلور مع النمو في محطات المعالجة ومد المستشفيات بالاكسجين.
وافتتح الرئيس عبدالفتاح السيسي صباح اليوم مصنعي لإنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة.
وتساهم مجمع الصناعات الكيميائية المتوسطة بأبو رواش، فى تغطية احتياجات السوق المحلى من الأكسجين الطبى اللازم للمستشفيات والمراكز الطبية ودعم العديد من المشروعات الإنتاجية كذلك الاستخدامات الصناعية بشركات المنتجات البترولية وصناعة الورق والمنسوجات وعدد من الصناعات الغذائية والدوائية، وقد تم تنفيذ تلك المشروعات بالتعاون مع العديد من الشركات المدنية.
تابعوا آخر أهل مصر على Google News
