ناقد فني يكشف مصير مذكرات الفنانة كاميليا بعد رحيلها

روى الناقد الفني إلهامي سمير رواية عن الفنانة الراحلة كاميليا بعد وفاتها، وذلك عبر حسابه الرسمي على موقع التواصل الاجتماعي فيس بوك.

وقال إلهامي سمير:"بعد موت كاميليا بفترة اتنشر خبر أن واحد من المخرجين الايطالين عثر على مذكرات كاميليا وبعد ماقراها لقى فيها سلسلة مثيرة من المغامرات وقرر أنه يعمل عنها فيلم يرصد فيه قصة حياتها ويكشف المغامرات اللى خاضتها".

وتابع :"نزل المخرج الإيطالى مصر وبدأ يتنقل بين كل الاماكن اللى عاشت فيها كاميليا، وبعد ما عاين كل الاماكن بدأ يدور على الفنانة اللى ينفع تعمل دور كاميليا لحد ما لقى اللى بيدور عليه فى الممثلة علية بسيم وقال وقتها انها اكتر واحدة تشبه كاميليا ـ مش عارف ازاى بس هو قال كده ـ فراح قابلها واتفق معاها على الفيلم بشكل مبدئى".

وأوضح :"وقالها انه بعد كام يوم هيبدأوا جلسات التحضير لكن قبل الكام يوم علية اتعرضت لحادثة اتسببت فى تشوه وشها، فعمنا المخرج الايطالى قال مش مهم هستناها تسافر تعمل عملية فى امريكا وترجع.. لانه مفيش حد شبه كاميليا ينفع يعمل الدور، وفضل عمنا المخرج مستنى ومستنى لحد ما فاجئته الست علية بانها هتعتزل الفن بعد الفيلمين اللى قدمتهم "أنا الشرق" و"ماليش غيرك" وراح مشروع الفيلم فى خبر كان".