اعلان

بقت مساكن شعبية.. مواطن يشتكى: سعر الفيلا في الساحل بـ 40 مليون جنيه وأنا شريها بـ 100

أهل مصر
الساحل الشمالي- أرشيفية
الساحل الشمالي- أرشيفية

عبر أحد المواطنين، عن استيائه من تفاوت أسعار بيع الفيلات بالساحل الشمالي، قائلاً: "الفيلا بتاعتي دافع فيها 100 مليون لما يشتري واحد جنبي بـ 40 مليون.. ده كدا بقيت مساكن شعبية".

وأضاف المواطن، في مقطع فيديو تداوله رواد موقع التواصل الاجتماعي "فيسبوك"، بالنسبة للناس اللي بتتكلم علينا وبتقول فيه ناس بتشتري فيلا في مارينا والساحل بـ 105 مليون جنيه، دي أرزاق يا جماعة عشان محدش يزعل، ثانيا إحنا ناس بتحب الخصوصية جدا جدا جدا فوق ما تتصورا".

وتابع: "إحنا شاريين فيلا الساحل عشان ننسى التعب والمجهود اللي بنبذله في حياتنا عشان نحقق صفقات نجيب بيها الفلوس دي ونعرف ننبسط ونقضى وقت جميل في أملاكنا".

وأردف: "الشئ اللي خلاني أعملكم الفيديو ده، هو عشان إني عايز أقولكم متزعلوش أوي يا جماعة، ما هو زي مانتوا زعلانين إن فيه ناس معاها فلوس تشتري فيلل إوعوا تفتكروا إن إحنا مبسوطين بالعكس، إحنا فوجئنا إن فيه معانا في نفس المكان فيلل بـ 40 و17 و9 مليون، وده شيئ حزني جدا وأنا بفكر إني مروحش الشالية أو الفيلا بتاعتي يا إما أسيبها.. مش عارف.. لسه مقررتش".

واختتم بقوله: "عايز أقولكم خبر مش كويس: مش هقعد في مكان واحد مع ناس أقل مني في المستوى أنا شاري فيلا ب100 مليون يقعد معايا ناس بـ 100 مليون لكن يسكن معايا في نفس المكان ناس شاريين بـ 17 و40 و9 مليون أعتقد كده بقت مساكن شعبية سوري يا جماعة".

ونقدم لكم من خلال موقع "أهل مصر"، تغطية ورصدًا مستمرًّا على مدار الـ 24 ساعة لـ  سعر الذهب، أسعار اللحوم، أسعار الدولار، أسعار اليورو، أسعار العملات اليوم ، أخبار الرياضة، أخبار مصر، أخبار الاقتصاد، أخبار المحافظات، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية. 

إقرأ أيضاً