الخلع ×أسبوع.. هدى: "خاني في شهر العسل على سريري".. حنان: "مريض وكل ما نروح مكان يسرق حاجة"

شهدت محاكم الأسرة العديد من قضايا الخلع والطلاق خلال هذا الاسبوع، بلختلاف الأسباب والدوافع منها الفكاهى ومنها الجاد، أبطال هذه القصص أشخاصون عاديون مثلنا ولكن كتب لهم القدر أن تسجل اسماءهم فى سجلات القضاء.

ويرصد 'أهل مصر'، أغرب القضايا التى طرأت على محكمة هذا الأسبوع.

أمل تستغيث بمحكمة الأسرة: "بيقول لى متجوزك سد خانة وبيكلم واحدة وبيحب فيها قدامي"

من سنة جواز كرهت حياتى ونفسي، حتى شكلى مبقتش اقدر أبص لنفسي فى المراية من كتر سخريته منى، من أول ما اتجوزنا وهو يقول لى أنا متجوزك سد خانة، وبيكلم واحدة بيحبها قدامي اتحملت وكنت بسكت، ودائما يتريق على شكلي لدرجة ان كنت بقف قدام المرايا وأعيط وأقول ليه يارب أنا مش حلوة زى باقي الستات، ليه جوزى مش بيحبنى، كنت بموت من جوايا لما أسمعه بيكلم واحدة ويسمعها أحلى كلام فى الدنيا، وأنا اللى مراته مبيقليش كلمة تجبر بخاطرى'.. جاءت هذه الكلمات على لسان أمل وهى داخل محكمة الأسرة بشمال الجيزة لرفع دعوى خلع من زوجها بعد عام واحد من الزواج مبررة استحالة العشرة معه.

هدى داخل محكمة الأسرة: "خاننى فى شهر العسل على سرير الزوجية"

' عمرى ما كنت اتخيل إنه يخونى بالسرعة دى وفي شهر العسل كمان، استغل انى روحت أشوف اختى عند والدتى واقضي معاها يومين، وجاب واحدة فى الشقة وخانى معاها على سرير الزوجية، وشاء القدر انى بدل ما اقعد ما أختى قررت أنا آخدها ونروح نتفرج على شقتى، وفتحت الباب على أساس أنه فى شغله، لكن للأسف سمعت صوته فى أوضة النوم دخلت عليه لقيته مع واحدة وبيمارسوا العلاقة كنت هتجنن، وأخدت أختى وسيبت البيت ومشيت'.. جاءت هذه الكلمات على لسان هدى والدموع تترقرق من عينيها أثناء نظر دعوى الخلع التى أقامتها ضد زوجها مبررة باستحالة العشرة معه.

حنان تستغيث بمحكمة الأسرة: "مريض بالسرقة وكل ما نروح مكان يسرق حاجة"

اكتشفت أنه بيسرق، وللأسف حتى وأنا معاه ديما يسرق فى أى مكان نروح فيه، سرق فلوس من والدتى، وكنا فى عزومة عند اختى سرق الخاتم بتاعها، وجبت لها غيره من غير ما حد يعرف عشان الفضايح، رغم ان حالتنا كويسة، ولما بواجهه بينكر أى حاجة ويتعصب، رغم انى متأكدة انه مريض بالسرقة وشوفته قبل كدا بعينى، وخوفت أواجهه فى الوقت نفسه'.. نطقت بهذه الكلمات حنان وهى داخل محكمة الأسرة لرفع دعوى خلع من زوجها مبررة ذلك باستحالة العشرة معه، بعد ٣ سنوات من الزواج.

ليلى في دعوى خلع: "بيخاف ينزل الشغل ومعتمد على فلوس أهلي"

'بيخاف على نفسه من أقل حاجة، مش مهم عنده أي حد غير نفسه حتى ابنه الصغير بالنسبة ليه عادى ولا يفرق فى مقابل أنه يكون هو بخير، وكان بيشتغل يوم وعشرة لا لكن بعد أزمة كورونا رفض ينزل الشغل وخايف على نفسه من العدوى على الرغم انى قولتله البس كمامة وخد كحول معاك، لكن رفض بحجة أنه خايف على نفسه، وللأسف والدتى كانت بتساعدنا لحد ما هو اتعود ورمى الحمل كله على أهلى'، نطقت بهذه الكلمات ليلى وهى داخل محكمة الأسرة لرفع دعوى نفقة من زوجها بعد 3 سنوات من الزواج لامتناعه عن الاتفاق.