الخلع فى أسبوع.. أحمد بدعوى نشوز: بتطلع رحلات من ورايا مع رجالة لما بسافر لشغلي .. وزينب: بيدور على عروسة ولما اعترضت ضربني

شهدت محاكم الأسرة العديد من قضايا الخلع والطلاق بأختلاف الأسباب والدوافع بعض هذه الأسباب ظاهرة والاخرمختفي ، أبطال هذه القصص أشخاصون عاديون مثلنا ولكن كتب لهم القدر أن تكتب أسماءهم فى سجلات القضاء ، ورصدت ' أهل مصر' بعض قضايا الخلع والطلاق خلال الأسبوع الماضى من داخل محاكم الأسرة

سناء: بيعايرني بعد ما جسمي اتحرق وعايز يتجوز حبيته الأولى

'مش عارفة قلبه دا إيه عامل زى الحجر مش مراعى حالتى النفسية بعد ما ربنا أراد اني أتحرق حرق كبير فى جسمى والحمد لله اتعالجت وكنت محتاجة عملية تجميل انتظرت لحظة ما ربنا يكرمه وبدل ما يقدر دا واللى بعمله عشان خاطره بقي يعايرنى بأماكن الحرق فى جسمى وبيلف ويدور عشان يتجوز'.. جاءت هذه الكلمات على لسان سناء وهى داخل محكمة الأسرة لرفع دعوى خلع من زوجها بعد 4 سنوات من الزواج مبررة ذلك باستحالة العشرة معه بعد أن قرر الزواج عليها.

زينب: بيدور على عروسة ولما اعترضت ضربني

'بيضربني وبيشتمني بأبشع الألفاظ وبيهملني بشكل مش طبيعي، وهددني أنه هياخد ابني ويطلقني لو رفضت أنه يتجوز عليا'، هكذا بدأت 'زينب' من داخل محكمة الأسرة لرفع دعوى خلع من زوجها بعد 5 سنوات من الزواج، مبررة استحالة العشرة معه.

وقالت 'زينب' لـ'أهل مصر': 'عمري ما كنت أتخيل أن جوزي يكون بيكرهني بالشكل ده، واتصدمت لما عرفت أنه بيدور على عروسة سورية على الإنترنت، ولما واجهته وأعترضت على اللي بيعمله وأني مش هقبل أنه يتجوز عليا لقيته بيضربني وبيشتمني بأبشع الألفاظ وبيهملني بشكل مش طبيعي'.

نورا: "ضربي وطردني وقالي هسيبك معلقة زي البيت الوقف"

لم تتخيل نورا صاحبة الـ 23 عاما، أن حياتها بعد الزواج ستكون جحيما بهذا الشكل مع زوجها الذى يتعدي عليها بالضرب ليلا ونهارا على أتفه الأسباب؛ مع بخله الشديد فى الإنفاق عليها، حتى أحيانا يجعلها تذهب لتأكل فى منزل أهلها، بينما وصل به الحال إلى أن قام بضربها ضربا مبرحا وجعلها تذهب إلى بيت أسرتها حتى منتهزا الفرصة ليغير 'كلون' الشقة حتى لا تأخذ أى شئ من أثاثها؛ تاركا إياها دون طلاق مما جعلها تقف داخل محكمة الأسرة لرفع دعوى خلع من زوجها؛ بعد عام ونصف فقط من الزواج مبررة ذلك باستحالة العشرة معه.

أحمد فى دعوى نشوز: بتطلع رحلات من ورايا مع رجالة لما بسافر لشغلي

'كنت أتمنى الكلام اللى سمعته عن مراتى وأنا مسافر أنها بتخرج وتروح محافظة تانية يكون كذب، أهلى قالوا لى كدا ومصدقتش لحد ما شوفت بعينى أنها بتنتهز فرصة سفرى وتعمل اللى عايزاه وبتسافر رحلات مع زمايلها وفيهم رجالة وكل دا من غير إذنى'.. جاءت هذه الكلمات على لسان أحمد وهو داخل محكمة الأسرة لرفع

دعوى نشوز ضد زوجته بمحكمة الأسرة لإثبات حكم النشوز.

نسمة: متجوز عليا برا مصر وجايبني أخدم أهله

'سافر بعد جوازنا بكام شهر بس وبقاله سنة ونص غايب وأنا قاعده فى شقة فى بيت أهله وبخدمهم وشايله أمه واخواته لحد ما اتفاجئت أنه متجوز فى السفر وأهله عارفين وبيكلموه هو ومراته وبنته، وأنا هنا اتجوزنى وسابنى خدامه ليهم ولما عرفت وواجهتهم ورفضت أنى أخدمهم تانى لحد ما جوزى يرجع طردونى من الشقة ورفضوا حتى أنى أخد حقي'.. جاءت هذه الكلمات على لسان نسمة وهى داخل محكمة الأسرة لرفع دعوى بقائمة المنقولات الزوجية من زوجها بعد عامين من الزواج.